呢排開始準備「我工作坊」的內容，預計4天的工作坊會包括不少life coach的活動，上網做資料搜集時發現不少人對coaching有不少誤解。
先講講我搵到的資料，我發現係不同的討論區都有coaching的討論，但意見都非常負面，例如：「coach只係做職位轉介同面試準備就收你錢」；「無論你做成點佢都有錢收」；「coaching只係讓你哭哭哭或者令你覺得世界真美好」等等。好多意見都話coaching同錢掛勾同冇咩用或者只係做職位轉介的consultation，根本冇用，究竟coaching係咩黎呢？
Coaching 直譯中文係教練，同老師有咩分別呢？老師係將知識/技巧教比你或你係佢身上可以拎知識/技巧走既，而教練係講緊讓你有新發現。例如career coaching應該係讓你係職業上有新的發現，例如你適合做邊類型的工作？如何讓你的工作更有效率？而coach係唔會比太多意見的，因為你要發現的係你的可能性而唔係由我比我的睇法你，呢點非常重要，因為你見輔導、見社工同見coaching一樣，係由你去發現可能性，只係技巧同方法唔同！
咁咩係life coaching（人生教練）呢？就係讓你發現你自己。我地有個信念：人所面對的問題同困擾都源於你唔夠認識自己，而每個人都有足夠的能力同資源去處理！只要你想改變，我地就會係你身旁同你一齊去搵你的可能性，絕對唔係搞到你哭曬舒發完或者話你知人生多美好就算啦！
人越大越多煩惱？先用10秒鐘想一想呢個問題。。。。。。。。。。根本美國著名生涯發展學者Donald Super所提出的The Life-Career Rainbow：
我地見到原來人越大便有越多的角色，要處理的事情、面對的未知、負上的責任便會越多，特別在社會工作到退休前（大約20-50歲）這段時期，但人一天的時間有限，每一個問題都不能用太多時間去消化，故此產生煩惱。
你想搵一個去幫你發現可能性的人嗎？