每日一句關心/鼓勵別人的說話:

你都想送一句說話關心/鼓勵身邊既人?歡迎投稿,經篩選後會代為抽一張Points of You®並發佈。

11月30日 - 給感到無辜的你:
11月30日 - 給感到無辜的你:

明明你係盡責的一個,你都唔想出現唔理想的結果⋯但要發生的始終會發生。不被理解同要你硬食讓你好難受,仲要執手尾;我完全感受到個種氣憤同無奈⋯辛苦你了,做完野返去好好休息下,你的價值唔係別人賦予的,你才是自己的主人!

11月29日 - 給怕凍的你:
11月29日 - 給怕凍的你:

突然凍左好多,記得著多件衫,小心身體呀!有時間沖杯熱檸水慢慢飲啦,增強抵抗力無咁易冷親的同時又可以比自己係忙碌中休息下!

11月28日 - 給有輕生念頭的你:
11月28日 - 給有輕生念頭的你:

個感覺就好似沉係水底呼吸唔到,拼命想游上水面但游極都游唔到一樣,我知道你好辛苦、好無助。你試過同身邊的人講,但佢地大都只係講「睇開d」、「正面d」等等⋯但其實你最希望佢地明白你,好想聽一句:要面對咁多野,辛苦你了⋯輕生係逃避的一種,亦係處理問題的方法之一,但是最壞的選擇!可能水底一片黑暗讓你好驚,或者你只要伸出雙手就可以讓人扶你一把,只係太黑讓你睇唔到呢。辛苦你了。 *圖片為Points of you ® “Faces”內的其中一張

11月27日 - 給容易受騙的你:
11月27日 - 給容易受騙的你:

或者你太著重人與人的關係,或者你太容易相信人。無論自願定不自願都好,相信你都唔好受吧。要得到別人的尊重除了要學識保護自己外,尊重自己都好重要!要知道騙徒(無論騙金定騙心都好)都會選擇自我形象較低、「摺摺地」既人為對象,相對地尊重自己,有自己立場同睇法的人亦因為有更多的思考而更難受騙呢!共勉之

11月26日 - 給曾經「背叛」人的你:
11月26日 - 給曾經「背叛」人的你:

我見到當時的你好憤怒,事後你可能會覺得內疚;「背叛」本身就係一件好複雜的行為。無論事情的發展如何、當事人有沒有原諒你都好,背住呢個包袱咁耐,係時候放過自己了。我並不是鼓勵「背叛」別人的行為,但我相信你其實係有分辨對錯的能力,如果你覺得可以做得更好,亦有心改變的話,其實機會一直都在! *圖片為Points of you ® “Punctum”內的其中一張

11月25日 - 給感到內疚的你:
11月25日 - 給感到內疚的你:

可能你正為自己影響到人而感到內疚,無論責任係邊個道、有無做錯都好,其實你都受到傷害了。試下放過自己啦,吸收左今次的經驗,下次你可以有其他的做法吧!給你一個擁抱安慰你 *圖片為Points of you ® “Faces”內的其中一張

11月24日 - 給神經質的你:
11月24日 - 給神經質的你:

你對其他人的目光好敏感,亦好介意其他人對你的睇法,其實心底裡好希望有人認同自己。其實你好可能係自信心不足,而根據circle of security 自信心不足係源於安全感不足;最好的處理方法當然係幫自己解開心結啦,但解開心結係需要時間既,咁解開之前可以為自己做咩呢?就係關顧下自己的狀態。試下每日搵一樣值得讚賞自己既事丫,你會發現其實你係值得被愛架! *圖片為Points of you ® “The coaching game”內的其中一張

11月23日 - 給愛錫自己的你:
11月23日 - 給愛錫自己的你:

你知道如何讓自己開心,亦知道讓自己放鬆的方法。你樂意打開心房,認知到自己有好多可能性。如果世界多d愛錫自己同關顧他人的人,個世界可能會更美好! *圖片為Points of you ® “Punctum”內的其中一張

11月22日 - 給希望成為專業的你:
11月22日 - 給希望成為專業的你:

好多人都認為發展自己弱項可以讓人生更完滿,但他們忽略了這樣做會讓自己「周身刀冇張利」。要成為專業就必須從自己強項入手,繼續鑽研;當中亦要面對很多失敗及挑戰。如果你已經搵到自己的強處,請重點發展!他日即做未能成為專業,但我相信你的人生會更豐盛! *圖片為Points of you ® “Faces”內的其中一張

11月21日 - 給童心未泯的你:
11月21日 - 給童心未泯的你:

每個人都有喜歡玩,但不是每個人都接受愛玩的自己。欣賞你聆聽自己的心聲,願意正視自己的想法、關顧自己! *圖片為Points of You® “The coaching game” 的其中一張

11月20日 - 給討厭自己的你:
11月20日 - 給討厭自己的你:

可能曾經經歷很多不如意事認為自己比人差,以至討厭自己!的確過去的事很難解決,但至少我知道要有當時的你才能成就今日的自己,而相隔多年後最放不下的可能亦只有你一個。你願意走出死胡同嗎? *圖片為Points of You® “Punctum” 的其中一張

11月19日 - 給認為夢想只是夢一場的你:
11月19日 - 給認為夢想只是夢一場的你:

每個人都可以有好多夢想,努力尋夢的時候,人生係充實的!過程中可以會面對好多失敗、可能越追夢,夢就變得越遙遠;結果亦可能未如理想。但起碼你對得起自己、對得起每一個對你有期望的人!努力追夢吧!