在10月18日我們將會舉辦2次Points of You®體驗工作坊，主題分別是「自己」及「工作」。然後有位朋友問我：究竟Points of You®係咩黎？點解佢要用時間參加呢個工作坊？
首先唔知大家有冇睇過一套戲叫「Pay it forward」（中文好似叫「讓愛傳出去」），套戲大致係講我主動幫助3個非常有需要既人，然後該3人得到幫助後亦要幫助另外3人，讓愛傳出去。而Points of You®的設計者睇完之後覺得好感動，所以佢將Points of You®的包裝設計成禮物的樣，讓你每次用的時候都好似拆禮物一樣。
然後每一套Points of You®入面都有好多相片，每張相都好靚（大家睇下每日一句的相就知啦），然而每個人睇同一張相都可以有唔同的感覺、唔同的焦點、唔同的角度，就住不同的主題配合你獨特的想法，我們就能夠比較容易釐清你的想法，從而策劃可見的將來。
至於你問我點解要用時間同金錢去參加工作坊？其實我好難答，因為做評測、諮詢定係只係黎體驗，應該都抱有一個心態：想改變！試想想：「你覺得生活好悶，想試下其他野」、「你好想人際關係方面做得更好」、「我想知道自己係一個點既人，我想做自己」等等的問題其實核心都係「我想改變」，然後你問返我點解要參加工作坊？我會問：你想改變嗎？
Comments