還記得那個純真的自己嗎？

成熟穩重係指處事圓滑，帶住標準的笑容，按規則辦事並賺取豐厚薪金，「無憂無慮」咁生活。普遍認為成熟穩重係表示你已經成長的一個指標，但當我們細心想一想，所謂的「成熟穩定」是沒有一個非常重要的元素：當中是沒有「人」的！

生活上唔少「長輩」會教你做人：當你唔開心時：「成熟D啦，唔好喊！」、當你工作唔如意時：「嬲咩呢？做野係咁架啦！」、當你想休息下時：「少少野都做唔到，懶到出汁！」，最後當你情緒崩潰時：「正廢青，少少野就要生要死，想當年我xxxxx都捱到啦」。佢地的眼中有人的存在嗎？佢地的眼中有你的存在嗎？然而係潛移默化的環境下，所有能獨立思考又正學習「成熟穩重」的人會感到迷惘，因為越成熟的人越會笑，但越難感受情緒。所以「同理心」、「做自己」成為了很熱門的話題。

回歸基本步：「我是誰」 你有認真想過「我的夢想」嗎？當中最純真的欲望係咩呢？你記得個種純真的欲望放咗喺心入面既邊道嗎？如果要你係記憶中搵佢出黎，然後由你去飾演佢，你會有咩改變呢？去到呢度，其實「我是誰」的答案都呼之欲出了，只差如何把想法轉化為你的風格而已！