可能WFH太耐，呢排係FB見到好多好多的「心理測驗」出現。。。
首先我地進行的係一個「評估」而絕對唔係一個「測驗」，我地會透過不同的工具去評估自己的性格/外在行為，而你做評估之前亦一定會知道你而家做緊既係關於咩既評估！而測驗本身有「對、錯」的成份，而你認識自己的過程係唔應該有對錯，因為最認識你自己既一定係你本人。甚至有D「測驗」連問題都冇，然後出一D差唔多所有人都岩的說話（例如心入面有秘密唔會話比人知，唔係你唔想講，但你想知個個人係值得信任先會講。。。）結果就話你係一個點既人。。。
我想講PD好DISC好定其他有理論背景的評估都好，所有都只係一套工具。透過不同的工具去了解自己、認識他人，從而建立良好的溝通模式，改善人際關係。一般黎講你係有齊所有的特質，只係程度唔同，即係話評估出黎個結果只係代表你有個種傾向，係唔代表你係一個點既人，你要行的路係屬於你自己既，我地可以話你知你行緊既係一條點樣既路，但唔能夠同你講你應該點行；每個人都要為自己的決定而負責同接受相應的結果。
我並唔係想挑戰D咩，只係作為一個負責任的培訓師，我有少少睇唔過眼個D「測驗」話你知你係一個點既人，然後你就跟住個方向行，數年後回望自己原來唔係行緊一條能夠滿足自己需要的路，然後又搵另一D測驗再「認識自己」，結果發現認識左好多年之後其實都仲好唔認識，其實好慘。。。
「人類為尋求自尊不斷奮鬥。而因各人價值觀、需要、目的、需求、動機、慾望及偏好的不同，尋求自尊的方法亦有所差異。這些傾向驅使了所有行動、行為的出現。」 David Keirsey
Comments