搜尋

如何做到突破自己?

人總會害怕面對未知,如果可以選擇,大部分人一邊箱沿用以往方法面對新事物,而另一邊箱會羨慕自己嘗試、成長的人,認為有主見、相信自己的人好charm。要突破自己究竟有幾難呢?

日常生活中唔難發現很多人面對固有事物時,都會透過已有想法進行聯想。例如:美人魚一定是女性;被上司叫入房一定係被罵!等等,這些聯想一定是事實嗎?美人魚唔可以係男性?被上司叫入房唔可以係加人工嗎?當你容易跌入這些「框框」,其實較難突破自己!

其實要跳出框框唔難,只要退後一步想多點就可以,但接下來才是真挑戰!當你有一些新想法,你會主動嘗試並相信有可能做得到嗎?我相信問十個人,九個都希望自己可以做老闆唔洗受人氣,但有幾多人會踏出第一步去了解做老闆要點做呢?想做的是甚麼生意呢?真係「想就易,做就難」?要讓FF的想法成為現實,首先要相信自己!


「咁你又知行出一步就會成功?」當然唔會知啦,行出一步只代表你做清兵、心口掛住勇字咁行出去,你拎住的裝備才是重點吧!唔經思考、策劃咁出去就如清兵拎木頭打仗,會贏得到嗎?有可能,但肯定比較吃力。但經細心思考、了解、準備就一定成功嗎?就好似清兵揸戰鬥機去打仗,會較輕鬆容易,但都受其他未能預計的因素所影響。


回歸問題,要突破自己首先要相信自己,而要相信自己就要了解自己的特性和需要好好裝備自己就可以了。

1 次查看0 則留言

最新文章

查看全部